Vaksdal Historielag

Velkomen til bygdebøker på nett!

Velkomen til Vaksdal Historielag sin nettstad for bygdebøker i Vaksdal og Modalen kommune.

Ynskje om oppdatering av bygdebøkene var stort. Å få eit nytt opplag eller eit supplerande band vil vera økonomisk vanskeleg.
Ideen om ei nettutgåve vart sådd, og i 2007 byrja arbeidet.
I ei nettutgåve vil bygdebøkene kunna oppdaterast kontinuerleg.
Noværande Vaksdal kommune er dekt av bøken for Evanger-, Modalen-, Bergsdalen- og Vaksdal.

Samla på ein plass vil dette væra ei fin kjelde for historie og slekts interesserte både i og utanfor kommunen. Sidan delar av kommunen historisk har hatt nær tilknyting til Modalen er bygdebok b. I for Modalen også tatt med.
Vaksdal kommune vart oppretta i 1964. Den vart samansett av delar frå kommunane Bruvik, Evanger og Modalen.

Bruvik var delt i tre sokn, Bruvik sokn, Dale sokn og Stamnes sokn.
Ved kommunereguleringa i 1964 vart Bruvik herad delt mellom dei to nyoppretta kommunane Osterøy og Vaksdal.
Det gamle bygdesenteret Bruvik med Bruvikstranda og Bruvikdalen vart overført til Osterøy kommune. Resten vart Vaksdal kommune.
I tilegg vart heile Bergsdalen og øvste del av Eksingedalen overført frå Evanger. Resten av Evanger vart del av Voss kommune.
I Modalen vart midtre del av Eksingedalen overført til Vaksdal og tre gardar i Romarheimsdalen, Nipen, Fosse og Dyrkolbotn til Lindås.

Bygdebøker tatt med på nettstaden:

• Vaksdal Bygdebok er i tre band.
  
  • Bruvik sokn, 1981.
  • Dale sokn, 1974
  • Stamnes sokn, 1965.
    
• Bergsdalen b. I, 1978.
  
• Modalen b. I ættesoge, 1984.
  
• Evangerboka b. I, 1982, øvre del av Eksingedalen.
  

Dei enkelte bygdebok-nemndene har gjeve sitt samtykke til ei slik publisering.